LEGAZPI CITY – Ipigdeploy na kan Legazpi City Public Safety Office an saindang mga personel katakod kan pagpopoon kan Palarong Bicol 2025 kun sain magseserbing host city an naunambitang ciudad.
Segun ki Legazpi City Public Safety Office head Octavio Rivero sa intrevista kan Bombo Radyo Legazpi na nakadeploy na an saindang personahe kan saindang opisina kaiba an manlain-laing law enforcement agency nganing magtaong asistensya sa mga madalan sa opening asin mga atleta.
Warang man suboot na isinagibong re-routing asin re-blocking sa mga gabos na tinampo na maaagihan kan opening parade.
Naghagad man ining pasensya sa gabos na naapektaran partikulamente sa mga pasahero sa magigin gabat kan trapiko sa opening kan pakawat.
Pigtaram pa kan opisyal na wara pa man sa ngonian na nakakahampang na mga problema an mga delegadong nagtetenir sa mga biletting center sa mga eskwelahan bilog na ciudad.
Gigibuhon man ninda an gabos na saindang makakaya nganing maibitaran an pagkakaigwa nin kariribukan na imbwelto an mga taga Legazpi asin an mga bisitang mga delegado sa enterong durasyon kan pakawat.
Pigtawan doon man ni Rivero na nagtao man sinda nin concent form sa mga biletting areas nganing madali sindang makasumbong sa saindang ofisina enkaso mabiktima kan over-pricing.
Syertuhon sana suboot na kasabay nindang itatao an picture kan plate number kan mga behikulo kan nanamantalang driver.
