LEGAZPI CITY – Puga-puga na an mga kapulisan kan ciudad kan Legazpi sa pagmamantenir kan pazy orden pirang oras antes an pagsasalidad kan taon.
Segun ki Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi na magtetenir na nakadeploy an saindang personahes sa mga mall, terminal, pamosong pasyaran, simbagan, asin mga kakalsadahan.
Nanindiguan man siya na magtetenir na nakabantay an saindang hanay sa pagsita sa namamanwaan mapadapit sa paggamit kan ipinagbabawal na paputok sa kasagsagan kan putukan.
Ipigdoon niya man na sa ginibo nindang inspeksyon sa mga tiendahan nin paputok sa ciudad, gabos na mga stall an naka-comply kan saindang mga rekisitos kun kaya pig-enganyar niya an publiko na digdi sana magbakal.
Pigtaram pa kan opisyal na uminabot na sa 11 mga boga an saindang nakukumpiskar asin nagpapadagos sa partikulamente na sa bisperas asin mismong aldaw kan bagong taon.
Nangapodan ni Tapel sa publiko na ibitaran an pagpapaputok asin maghiling na sana sa isasagibong fireworks display kan lokal na gobierno nganing masyerto an saindang kaligtasan.
