Si NBA star LeBron James an napili na magin flag bearer kan USA Olympic sa pagbubukas kan torneyo.
Siya an ika-tulong basketball player na na magdadara kan bandera kan Estados Unidos sa Olympics.
Katakod kaini, labi man an kaugmahan ni James sa pagkakapili saiya huli ta bako sana an nacion an mai-oorgulyo niya kundi magin an saiyang pamilya asin banwaan.
Tulos man na nagpaabot nin pagbati an mga iba pang mga basketball player ki James.
An Estados Unidos an igwang 592 players na masabak sa Paris Olympics.
Marurumduman na nakalaag sa polisiya kan International Olympic Committee na dapat na sarong babayi asin sarong lalaki an magigin flag-bearer kaya pig-aantabayanan pa kun siisay an makakaibanan kaini.
