LEGAZPI CITY—Irido an sarong lalaki makalihis na pagtatagaon kan saiyang ka-barangay sa Purok 4, Barangay Pigcale, Legazpi City, Albay.
Segun ki Legazpi CPS PIO PEMS Carlos Paña, sa intrevista kan Bombo Radyo Legazpi, na nag-agi an biktima sa harong kan suspek alagad mantang kan nakatalikod na ini, an digdi na suboot pigsunod kan suspek an biktima asin pinagtitigbas ini.
Tinamaan sa kamot an biktima asin tulos man ining dinara sa ospital kan mga otoridad.
Basado sa inisyal na imbestigasyon, posibleng dati nang may daeng pagkakasinabutan an duwang indibidwal na nagresulta sa pananaga kan suspek sa biktima.
Sa presente nasa kustodiya na kan Legazpi CPS an suspek asin posibleng mahahampang ini sa kasong slight physical injury o serious physical injury.
Mientrastanto, nagpagiromdom man an opisyal sa namamanwaan na en kaso man may dae pagkakasiranabutan dapat nang magpasiring sa Barangay ngani na tulos ining maresolbaran.
