Sarong lalaki an nakuang gadan sa laog kan saiyang harong sa Sitio Bugwak, Barangay Kibia, Matalam, Cotabato, kan Lunes nin aga, Hulyo 14, 2025.
Nasa legal na edad an biktima na binisto sa pangaran na “Noneng” asin residente kan nasabing lugar.
Basado sa inisyal na imbestigasyon, huring nahiling si Noneng kan Sabadong banggi sa sarong diskohan.
Pigtutubudan na sinundan ini kan dae pa nabibistong suspechado asin ginadan mantang ini nagtuturog sa saiyang harong, Domingong maagahon.
Susog sa nagkapirang residente, nakadangog sinda nin putok harani sa harong kan biktima kan Domingo nin aga—an oras na pigtutubodan na ginibo an krimen.
Padagos pa an imbestigasyon kan mga otoridad para maaraman kun ano an motibo sa insidente asin kun sisay an suspek.
Nangapudan man an kapulisan sa publiko na magkooperar sa imbestigasyon ngani na maresolberan tulos an kaso asin matawan nin hustisya an biktima.
