LEGAZPI CITY-Kinumpirma kan Anti-Money Laundering Council (AMLC) na igwang nadiskubre na covered asin “suspicious transactions” na may koneksiyon kay VP Sara Duterte asin sa saiyang agom na si Atty. Manases Carpio.
Sa paghahapot ni Rep. Ferjenel Biron kay AMLC Executive Director Ronel Buenaventura kun igwang nahiling na kaduda-dudang transaksyon sa mga account na konektado kay Duterte asin sa saiyang pamilya, sinabi kaini na igwang nadiskubre.
Mientras tanto, kinumpirma man kan AMLC na nakapagrehistro an mga bangko nin mga covered transaction reports (CTR) asin suspicious transaction reports (STR) na may kaneksyon bako sana kay Duterte kundi pati sa saiyang agom na si Carpio.
Basado sa mga nilatag na datos sa pagdangog, uminabot sa humigit-kumulang Php 6.77B an kabuuang kantidad kan mga transaksyong nairehistro na konektado sa Bise Presidente asin sa saiyang agom | via Bombo Ysa Cotoner
