LEGAZPI CITY—Pighayag kan sarong transport group sa Albay na nagin matrayumpo an isinagibong duwang aldaw na transport strike sa provincia puon Abril 21 hasta Abril 22 sa tahaw kan nagpapadagos na krisis sa nacion.
Segun ki Legazpi-Daraga Jeepney Operators and Drivers Association President Edison Briones, sa intrevista kan Bombo Radyo Legazpi, masasabi ninda na nasa 90% an naparalisa sa transportasyon kan enot na aldaw, alagad kan ikaduwa asin huring aldaw an nagin maayos na huli sa dakol na jeep na an nagluwas para magbiyahe.
Dugang niya na nagkapira man an dae nagbale sa tigil-pasada huli sa nangangaipo sinda nin maski papano ganansya para sa saindang pamilya.
Mientrastanto, nagtangro man nin Libreng Sakay an kapulisan kan Albay bilang pagtugon sa ikinasar na duwang aldaw na tigil-pasada kun sain nasa labi 300 na pasahero an nag-aprobitsar kan nasabing lakdang,
