LEGAZPI CITY-Naresibe na kan House Committee on Justice an Statement of Assets, Liabilities and Net Worth (SALN) ni Vice President Sara Duterte, susog kay panel member Representative Terry Ridon.
Basado sa report, naglangkaw an net worth ni VP Sara poon P71 milyon kan 2022, nagin P77.5 milyon kan 2023, asin uminabot sa labi P88.5 milyon poon kan taong 2024, na igwang kabilugang assets na labi sa P98.4 milyon.
Segun kay Rep. Ridon, bubusisihon ninda kun makatwiran an paglangkaw kan yaman asin kun igwang “unexplained wealth” o dai maipaliwanag na yaman.
Nabanggit man kan kongresista an posibleng isyu sa deklarasyon ni VP Sara bilang stockholder kan sarong kumpanya sa Davao City, na suboot bako tugma sa saindang beripikasyon.
