LEGAZPI CITY—Naarestar an sarong lalaki sa kasong panlulugos sa 6-anyos na aki sa banwaan kan Jovellar, Albay.
Segun ki Jovellar MPS COP PCPT Rufino Casagan, sa intrevista kan Bombo Radyo Legazpi, naaktuhan kan ina kan biktima an saiyang live-in partner na piggibo an panlulugos sa saiyang aki sa Barangay Bautista kan nasambit na banwaan.
Tulos man ining nai-report kan ina kan biktima sa mga otoridad na nagresulta sa pagkakaarestar kan suspetsado.
Mientrastanto, nangapudan man an opisyal sa mga magurang na pagtawan nin atensyon an pagbabanatay sa saindang mga aki siring man an magin mapagmatiyag asin alisto sa kapalibutan.
