Maabot sa 30 mga barko kan China an nadiskubre sa Sandy Cay sa West Philippine Sea.
Naglunsar nin aerial inspeksyon an Bureau of Fisheries and Aquatic Resources hali sa Pag-asa island pasiring sa mga pinag-aagawan na teritoryo.
Digdi na nahiling an kadakol na mga Chinese maritime militia vessels kaiba na an nagkapirang barko kan China Coast Guard.
Nahiling man an darakulang pasilidad asin runway na ipinatugdok na kan China sa Subi Reef na ginibo ng artificial island asin nagseserbi ng base militar.
Naglunsar man nin maritime patrol an Philippine Coast Guard sa West Philippine Sea kung sain nahiling man an sarong barko kan China Coast Guard na nag-radio challenge asin nagpadara pa nin mga rubber boats.
Sa ibong kaini naging matrayumpo an paglilibot kan Philippine Coast Guard sa West Philippine Sea asin dae naman nin nangyaring engkwentro.
