LEGAZPI CITY-Padagos an pagtutok kan Philippine Coast Guard (PCG) sa search and rescue operations para sa walo pang pasahero na nawawara makalihis an insidente na imbwelto an M/V June Aster sa kadagatan kan Coron, sa Palawan.
Gikan sa palibot sa Calanhayaun Island sagkod sa kaharaning mga baybayon, an mga tawohan kan Coast Guard District Palawan, nagsasagibo nin mahiwasang paghahanap gamit an mga patrol vessel, rubber boat asin iba pang kagamitan.
Kabali sa operasyon an maritime asin shoreline patrols, mantang an PCG nagdeploy man nin mga drone nganing mag-survey kan mga posibleng lugar na mabisita kan mga search team hale sa ere.
Nagpartisipar man sa operasyon an mga personahe hale sa Disaster Response Group, Special Operations Group asin Marine Environmental Protection–Northeastern Palawan, kaiba an BRP Suluan.
