Kasal na an beteranong aktor na si Jim Carrey sa saiyang girlfriend na si Min Ah. Ini makalihis na kumpirmaron kan tagapagtaram ni Carrey na ikinasal an duwa sa sarong pribadong seremonya sa Los Angeles kan Setyembre.
Dae pa nagheheras nin mga ladawan hale sa saindang kasal an married couple asin dae man nagluwas nin pang detalye mapadapit sa pribadong seremonya.
Haloy nang minantinir na pribado nina Jim asin Min Ah an saindang relasuom asin bihira nman ninda ining iheras sa publiko.
Enot na nagkaigwa nin public official ang duwa sa César Awards sa Paris kan Pebrero ngunyan na taon, kun sain nakaresibe si Jim Carrey kan sayang honorary César Award.
Ini na an ikatulong pagkakataon na ikinasal si Jim Carrey.
Enot niyang pinakasalan si Melissa Womer, na naging ina kan saiyang aki na si Jane Erin Carrey. Ikinasal sinda kan 1987 asin naghiwalay kan 1995.
Kalaunan, pinakasalan niya ang saiyang co-star sa Dumb and Dumber na si Lauren Holly an 1996. Alagad nauli sa hiwalayan an saindang pag-iibahan makalihis an sarong taon.
