Ini-report kan Department of Education (DepEd) na labi sa 25,000 eskwelahan hale sa 109 school divisions sa nacion, an namemeligro sa mga pagbaha asin landslides huli kan piglalaomang pangrapado kan bagyong Tino.
Katakod kaini, tulos na pinahiro kan DepEd an saindang disaster risk reduction teams sa bilog na nacion, partikularmente na an nasa mga lugar sa Visayas asin Mindanao, na maaapektaran kan bagyo.
Susog sa DepEd, pigkarkulong nasa 9,558 eskwelahan sa mga nasabing lugar an prone sa mga pagbaha mantang 15,668 eswkwelahan an vulnerable sa landslides.
Pagsierto kan DepEd na mahigot na pigbabantayan kan DepEd Disaster Risk Reduction and Management Service (DRRMS) ang sitwasyon asin nakikipagkoordinar sa mga lokal na gobierno asin disaster councils nganing masierto an saindang kahandaan.
