Nangapudan si Presidente Ferdinand Marcos Jr. na mas pakusugon an pagtatabangan kan ASEAN asin Russia imbes na tunggalian.
Ginibo kan Presidente an pahayag sa pagbubukas kan ASEAN-Russia Summit sa Kazan.
Itinampok ni Presidente Marcos an tulong pangenot na obheto kan kooperasyon: mas ligtas na rehiyon sa terorismo asin cybercrime, mas makusog na ekonomiya sa paagi kan kalakalan asin enerhiya, mas mapahewas na relasyon kan mag namamanwaan sa larangan kan edukasyon asin kultura.
Segun ki PBBM, an 35 taon kan partnership an puon pa sana kan mas mahewas asin mas matatag na ugnayan kan ASEAN asin Russia sa mga masunod na taon.
Inihayag man kan Presidente na saiyang ikinararangal an pagiging Co-Chair kan ASEAN-Russia Commemorative Summit kaiba si Russian President Vladimir Putin.
