LEGAZPI CITY – Kwenistiyon ni Alliance of Concerned Teachers Partylist Representative France Castro an pasala-salang datos kan National Economic and Development Authority asin Department of Trade and Industry sa presyo nin mga barakalon sa Pilipinas.
Sa intrevista kan Bombo Radyo Legazpi kay Castro, nadiskubre sa saindang pagdangog sa Kongreso na outdated na nin 10 taon an datos na kapot kan ahensya kung kaya bako ng makatotoohan an mga resulta kan pag-aadal kaini.
Kaiba na diyan an sinabi ni Department of Trade and Industry Undersecretary Amanda Nograles na nasa P7 sana an presyo kan instant noodles asin P4 sa 3 in 1 na kape.
Segun kay Castro, makalihis an saindang hearing, tulos niyang binisita an mga merkado asin bultohan na nagbakal kan mga produkto, alagad wara man nin nakuang laog sa pa nasabing presyo.
Agyat ngunyan kan kongresista sa mga opisyal kan ahensya na magtaga luwas man sa saindang opisina asin hilingon an totoong sitwasyon kan mga barakalon ngani na masabotan an pinag-aagihan kan mga Pilipino.
Nagpromesa si Castro na liwat na kukwestiyonon asin haharangon an pondo kan NEDA asin DTI kung dae pa mapapakaray an mga datos kaini.
