LEGAZPI CITY- Nangharana an mga personahe kan Kasurog cops sa mga Albayano kasabay kan Valentine’s Day.
Segun ki Police Regional Office 5 Director Brig. General Andre Dizon na mawot ninda na maiheras an pagpadangat kan mga kapulisan bako sana sa banwaan kundi magin sa mga namamanwaan.
Paliwanag kan opisyal na dae matatawadan an kaugmahan ninda na mahiling na napapaugma man an kapwa kasabay kan espesyal na okasyon.
Aminado ini na sa ibong kan abala na trabaho kan mga kapulisan sa pagmamantenir kan paz y orden, pigtatawan man liwat importansya an okasyon.
Mientras tanto, pinayuhan man ni Dizon an publiko na imantenir man liwat an seguridad sa ibong kan pagselebrar kan aldaw nin mga puso.
