Nanggana nin bulawan na medalya si Karl Eldrew Yulo sa individual all-around sa JRC Artistic Stars Championships sa Thailand.
Nakipagtagisan ini sa MAG Junior division kan nasabing kompetisyon.
Afuera ki Karl Eldrew, nanggana man nin silver medal an men’s artistic gymnastics team kan nacion.
Mismong an Gymnastics Association of the Philippines an nagheras kan impormasyon.
Marurumduman na si Karl Eldrew asin tugang kaini na si Elaiza an nagti-train sa irarom ni Japanese coach Munehiro Kugimiya, na dating coach kan saindang tugang na si Carlos.
