LEGAZPI CITY – Naka-full alert an kapulisan sa banwaan ka Camalig sa Albay katakod kan opisyal na pagpupuon kan selebrasyon kan Pinangat Festival.
Sa intrevista kan Bombo Radyo Legazpi ki PEMS Marly Gragasin, information officer kan Camalig Municipal Police Station, nagpalakop na nin mga security personnel sa pagtatao nin seguridad sa mga residente asin mga mabisita sa banwaan.
Lalo pang piglalaoman na kadakol an mapasiring sa lugar huli ta apat na taong na-oktaba an selebrasyon kan nasabing festival kawsa kan pandemya asin pag-alburto kan bulkang Mayon.
Nasa 50 na personahes kan pulisya an naka-deploy partikular na sa mga venue kan aktibidad.
Afuera digdi, nag-augment man an Albay Police Provincial Office nin dagdag na security personnel ngani na masierto an seguridad asin katuninungan sa bilog na durasyon kan Pinangat festival.
Opisyal na nagpuon an pagbubukas kan atkibidad kasuodma Hunyo 11 asin magtatapos sa Hunyo 24.
