LEGAZPI CITY- Tinawan duon kan grupong PISTON na bako bastante an piso na rollback sa gasolina asin hasta P6.50 na tapyas sa kada litro kan diesel ngani na maibsan an pasanin kan mga nasa sektor kan transportasyon.
Segun ki PISTON President Mody Floranda sa intrevista kan Bombo Radyo Legazpi na dae mamamatean an nasabing rollback urog pang labi sa P50 an itinaas sa kada litro kan petrolyo sa nakalihis na mga semana.
Tinawan duon man kaini an presenteng krisis sa transportasyon.
Paliwanag ni Floranda na huli sa paglangkaw kan presyo kan langis, dakol na mga drivers an nagpundo sa pamamasada na nagresulta sa pagtambak kan mga pasahero sa mga pangenot na tinampo sa manlain lain na parte kan nacion
Pighihiling na naka apektar man ini sa bulos kan turismo sa nagkapirang mga provincia.
