LEGAZPI CITY – Inapod na dakulang kahibangan kan kongresista hale sa Makabayan bloc an nangyaring panggagadan sa nagkapirang human rights defenders sa Bicol.
Pinagbabadil-gadan sinda Nelly Bagasala asin Ryan Hubilla kan grupong Karapatan sa Sorsogon mantang sinundan man ini nin panggagadan ki Neptali Morada na regional coordinator kan Bayan Muna.
Sa intrevista kan Bombo Radyo Legazpi ki Bayan Muna Party-list Rep. Carlos Isagani Zarate, klarado suboot na ipigpapahiling kan mga pangyayari an pagsakyada sa mga progresibong grupo asin kritiko kan administrasyon, dawa pa bakong armado.
Tinuyaw ni Zarate an pagigin target suboot asin pagpapasilencio sa mga ini na pigtutubudang epekto kan “red tagging” sainda kan pinakahalangkaw na opisyal kan nasyon.
Dae man maibitaran na sambiton ni Zarate an garing pagigin silencio kan Kongreso sa isyu na dapat suboot maimbestigaran mantang nagluluwas na nagigin conclusive na an garadanan.
