LEGAZPI CITY- Naaprobitsaran kan mga namamanwaan an Kadiwa ng Pangulo sa ciudad kan Legazpi.
Ini an isinasabay sa selebrasyon kan labor day asin job fair para sa mga job seekers.
Segun ki Department of Labor and Employment Bicol Director Imelda Gatinao na nakatabang ninda an Department of Trade and Industry, National Food Authority asin iba pang mga ahensya.
Nakapagpabakal sa nasabing Kadiwa ng Pangulo nin mga baratong babarakalon siring kan gulay, prutas, bagas, asin iba pang produkto kan mga lokal na paraoma asin saradit na negosyante.
Sa paagi kaini, natabangan man an mga paratienda na maipabisto an saindang mga produkto sa mas hibabang presyo.
