LEGAZPI CITY-Inihayag ni Jin o (Kim Seok-jin) kan K-pop na grupong BTS na saro siya sa tagahanga ni Bruno Mars asin mawot niya na makipag-collaborate sa musician kung matatawanan siya nin pagkakataon.
Sa sarong episode kan ”The Puppy Interview” kan BuzzFeed, sinabi ni Jin na pirmi niyang pigkanta an ”Just the Way You Are” bago pa man siya mag-debut.
Nagustuhan man niya suboot an kantang ”APT” na kolaborasyon nina Bruno Mars asin Rose kan Blackpink.
Dagdag pa ni Jin na pirmi niya man pigkakanta an sadiri niyang album na “Echo,” na iniluwas kan Mayo, huli sa ngunyan niya sana ini nadangog nin diretso.
Nagpe-preparar man an K-pop star mapadapit sa saiyang concert tour na mapuon sa Goyang, South Korea ngunyan na Hunyo, liwat man sa pagbabalik niya giraray pag-eehersisyo.
Magigirumduman na si Jin an pinakaenot na miyembro kan K-pop na grupong BTS na nakatapos na sa mandatory military service, asin puon ngunyan magiging busy man an K-pop star sa mga solo projects siring kan web variety show na “Run Jin” asin reality show na “Kian’s Bizarre B&B.”
