Dae mababa sa 10 katawo an nagadan asi iba pa an nairido makalihis an sarong airstrike kan Israel harani sa sarong eskwelahan na nagsisirbing istaran kan mga nag-ebakwar na Palestino, susog sa mga health official.
Nangyari an pag-atake sa sirangan kan Maghazi refugee camp sa Gaza Strip, kun sain pigsasabing nagkaigwa muna nin kariribokan sa pagultangan kan mga residente asin sarong Israeli-backed militia na suboot nagporbar na mangdukot sa nagkapirang indibidwal.
Susog sa mga witness asin medic, sa tahaw kan kariribokan an nagpaputok an Israeli drones nin duwang missile na nagtama sa nasabing komunidad na pig-iistaran kan mga displaced residents.
Sa hiwalay na insidente, sarong Palestino man asin sarong joven an nairido makalihis tamaan nin airstrike mantang lunad nin ng motorsiklo sa Gaza City. Saro pang Palestino an nagadan kan paputukan kan Israeli forces an sarong behikulo sa Gaza.
Mientrastanto, wara pang opisyal na pahayag ang Israeli military katakod kan mga nasabing insidente.
