Pighayag kan military chief kan Israel na magpapadagos an mga air strikes sa Lebanon ngani na madistroso an mga imprastruktura kan Hezbolla.
Ini man an pighihiling na magigin dalan sa posibleng ground assult na gigibuhon kan Israeli forces sa lugar.
Marurumduman na pinahewas pa kan Israel an sakop kan mga air strike kaini sa Lebanon asin naharang an missile na pinalayog kan
Hezbollah na target kuta an headquarters kan Mossad intelligence agency harani sa Tel Aviv.
Tinawan direktiba ni General Herzi Halevi an mga tropa kan Israel na maghanda para sa posibleng paglaog sa Lebanon ngani na madurog an Hezbollah.
Enot na man na nagpahayag nin pagkahadit an nagkapirang mga world leaders na maarog an kariribukan sa Lebanon sa nagpapadagos na giyera ngunyan sa Gaza, sa tahaw kan padagos na nagdadakol na nagagadan sa Lebanon.
