Nagpaluwas nin pahayag si Iran Parliament Speaker Mohammad Bagher Ghalibaf makalihis an pagbabalik sa Iran hali sa Pakistan, kun sain siya nangenot sa negosasyon kan peace talk sa pagultangan kan Iran asin Estados Unidos.
Bilang kasimbagan sa mga pahayag ni U.S. President Donald Trump, ipigduon ni Ghalibaf na an anuman na pagbabanta an warang epekto sa sainda asin nanindugan na dae masurendir sa anuman na banta.
Segun sa report kan Iranian outlets, sinabi niya na handa an Iran na magsimbag sa anuman na patanid kan Amerika.
“If you fight, we will fight, if you come forward with logic, we will respond with logic.” ani Ghalibaf
Dagdag pa kan opisyal na dae magpapasairarom an Iran sa anuman na banta asin kun babalion an saindang determinasyon, bukas sinda na magtukdo nin mas dakulang leksyon.
Binanggit man ni Ghalibaf na sa pagpupuon pa sana kan negosasyon, dae na nagtitiwala an Tehran sa Estados Unidos asin dapat suboot ining pagtrabahuhan kan Amerika huli sa mga ginibong pag-atake sa Iran mantang ipigsasagibo an negosasyon.
Kasunod kaini, sinabi ni Trump sa sa saiuang mga post sa Truth Social na magpapaotob an Estados Unidos nin naval blockade sa Strait of Hormuz asin haharangon an mga barkong nagbabayad suboot nin “illegal toll” sa Iran.
