Namantinir an inflation rate o an paghalangkaw sa pangkalahatang antas kan presyo nin mga kalakal asin serbisyo sa nacion kan Oktubre kan presenteng taon.
Segun ki PSA Undersecretary asin National Statistician Dennis Mapa nagtitinir sa .7% ang inflation rate kan nakaaging bulan, kapareho kan nairehistro kan Setyembre 2025.
Susog sa PSA chief, mas dakol an mga nagbabang presyo kan Oktubre kumpara kan Setyembre.
Nasa apat na grupo nin pagkaon an nakapagrehistro nin mas mabantol na paghalangkaw sa presyo kan Oktubre kabale an karne partikularmente na sa karne kan orig, gatas asin iba pang dairy products asin bonay siring man an mga gulayon, tubers asin iba pa partikularmente an repolyo asin ready made products.
Nagdara man ini sa year-to-date national average poon Enero sagkod Oktubre sa 1.7%.
Mientrastanto, segun ki USec. Mapa, padagos nindang imo-monitor an posibleng “threats” o mg huma sa inflation ngonian na “ber” months partikularmente ngonian na Nobyembre asin sa Disyembre.
