Nakatalaan na magpatagisan an Indiana Pacers asin Oklahoma City Thunder kun siisay an makakakuwa kan kalamangan makalihis maitabla an serye sa 1-1 sa NBA Finals.
Ipigkokunsiderar man kan Thunder na sarong agyat sainda an Game 3 huli ta malipat na sa homecourt kan Pacers an kawat.
Aminado man si Pacers coach Rick Carlisle na maagi sinda sa agyat huli sa scoring kan Game 1.
Nagkapira sa mga nahihiling na istratehiya na gigibuhon iyo an pagpugol ki Thunder guard Shai Gilgeous-Alexander.
Marurumduman na kan Game 1, binigla kan Pacers an Thunder asin nahabol ninda an 15 puntos na kalamangan hasta sa makuwa an pagkagana sa score na 111-110.
Sa Game 2 man, dae tinugutan kan Thunder na maka abanse an Pacers asin nakuwa an 123-107 na pagkagana.
