Ipapa-subpoena kan House Committee on Justice ang income tax returns asin business records ni Vice President Sara Duterte asin agom kaining si Atty. Manases Carpio katakod kan suboot paghalangkaw nin P50 milyon kan saindang yaman.
Segun ki Bicol Saro Partylist Rep. Terry Ridon, chairman kan Committee on Public Accounts asin miyembro kan Justice panel, dae tally an saiyang suweldo asin idineklarang Statements of Asset Liabilities and Net Worth (SALN) ang biglang pagyaman kan Bise Presidente asin dapat niya ining ipaliwanag sa publiko.
Sinabi ni Ridon, magin an financial records sa negosyo ni VP Sara asin kan saiyang mister an mawot na mahiling kan panel.
Tinawan-doon ni Ridon na an nasabing mga dokumento an kinakaipuhan nganing maberipika ang sources kan kayamanan na idineklara ni Duterte sa saiyang SALN.
Basado suboot sa SALN ni VP Duterte an nasa P7,250,497 an yaman kaini kan 2009 na biglang naghalangkaw sa P88 milyon kan 2024.
Segun saiya an cumulative na suweldo ni VP Duterte sa pagtatrabaho sa gobyerno gikan 2007 asin 2024 an masakat sana sa P30 milyon hanggang P40 milyon.
