Uminabot sa P1.62 trilyon an kabilugang kantidad kan mga inaprubarang pamumuhunan kan Board of Investments (BOI) na nalagpasan an itinalang target na P1.5 trilyon para sa 2024.
Naitala an pinakadakulang paghalangkaw sa sektor kan enerhiya, partikular sa mga proyektong renewable energy, na uminabot sa P1.38 trilyon, naghalangkaw nin 40% kumpara kan 2023.
Kaiba man sa mga sektor na may dakulang pagtaas an air asin water transport, real estate (mass housing), manufacturing, water supply, sewerage, waste management, asin remediation activities.
Mientrastanto, naitala kan Philippine Economic Zone Authority (PEZA) an P214.17 bilyon na inaprubarang investment, na nalagpasan an target na P200 bilyon para sa taong 2024.
Segun sa Department of Trade and Industry (DTI), an mga pamumuhunang ini an magpapakusog sa pag-krear nin trabaho na magtutulak nin inobasyon, asin magpaparikas sa pag-uswag kan ekonomiya kan nasyon.
