LEGAZPI CITY – Suspendido na an in-person classes sa mga pampublikong eskwelahan saaga, aldaw nin Biyernes (Oct. 24) para sa pagseselebrar kan Legazpi Port District Fiesta.
Segun ki Legazpi Schools Division Office Spokesperson Santi Araña sa intrevista kan Bombo Radyo Legazpi na ipinaluwas an suspensyon sa paagi kan sarong memorandum bilang suporta sa lokal na gobierno.
Alagad paglilinaw niya na face to face classes sana an suspendido asin ma-shift muna an mga estudyante sa modular distance learning mantang an saindang mga non-teaching personnel an ma-work from home muna.
Ginibo suboot an lakdang nganing magpadagos an pagtatao nin serbisyo sa mga nangangaipuhan maski sa aldaw kan ka-fiestahan asin nganing dae man magkaigwa nin kaulangan sa klase kan mga estudyante.
Piglalaoman kaya kan opisyal an magigin gubot kan trapiko pasiring sa mga ofisina na magtatao man nin kadifisilan sa mga estudyante asin sa saindang mga personahes kun ma-byahe pa an mga ini kun kaya napapanahon an pagpapaluwas ninda ki abiso.
Nasa manhamiento na man suboot kan mga pribadong eskwelahan an magigin desisyon kun kaparehong scheme an susunudon mapadapit sa klase asin trabaho kan saindang mga estudyante asin personnel.
Afuera sa suspensyon kan in-person classes an magayon man an saindang assessment mapadapit sa partisipasyon kan mga estudyante sa ginibong parada asin masasabi niyang napapanahon an suspensyon huli ta makakapahingalo an mga estudyante.
Pangapodan man ni Araña sa saindang pag-iriba na sunudon an memorandum na ipinaluwas kan Schools Division Office nganing dae ma-octaba an klase asin nganing maserbisyuhan an saindang mga kliyente.
