LEGAZPI CITY-Ipighayag kan Presidential Task Force on Media Security na nagpapadagos an pigsasagibong imbestigasyon manungod sa pambabadil-gadan kay Adrian “Golden Boy” Loterte sa Daraga, Albay, nitong Oktubre 12, 2026.
Segun kay Presidential Task Force on Media Security Executive Director Usec. Jose Torres Jr., sa intrevista kan Bombo Radyo Legazpi na e-establisar na an special investigation sa koordinasyon kan Department of Justice (DOJ) asin iba pang ahensya de gobierno.
Sa presente, padagos an saindang paghahanap nin posibleng impormasyon kairiba an Philippine National Police (PNP) para sa padagos na imbestigasyon.
Kinakaipuhan suboot an pag-rehab kan mga detalyes manungod sa mga perpetrators na nahiling mismo sa CCTV footages.
Afuera digdi, importante suboot na mas mahewas an pag-iimbestigar poon sa mga konteksto asin istorya kun nata nagkaigwa nin siring na insidente.
Dagdag pa kan opisyal, pighihiling na an gabos na anggulo, orog na sa pamumuhay ni Loterte ngani maaraman an totoo sa likod kan pangyayari.
Sinabi man kaini na welcome ngonian sa sainda an anumang tabang, magin an pagtatao nin pabuya para sa tamang direksyon kan impormasyon asin imbestigasyon.
