Suspendido nin 90 dias si Senador Rodante Marcoleta sa saiyang pwesto.
Ipinagboot kan Sandiganbayan Third Division an preventive suspension na ipinaluwas ngonian na Lunes, Oktubre 19, 2026, dapit sa kasong plunder na saiyang inaatubang.
Segun sa resolusyon na isinurat ni Justice Karl B. Miranda, mandatory an suspension basado sa Plunder Law o RA 7080 asin Anti-Graft Law o RA 3019 kun igwa nin balidong impormasyon laban sa sarong opisyal.
An kaso may koneksyon sa dae pigdeklarang P75 milyones na campaign contribution kan 2025 elections. Pig-aakusahan si Marcoleta na nag-ako nin regalo bilang public official, na bawal sa irarom kan Presidential Decree 46.
Kaibahan sa kaso bilang co-accused sinda dating Anakalusugan Rep. Mike Defensor asin negosyanteng sinda Joseph Espiritu asin Aristotle Viray.
Si Marcoleta na nakadetine sa Quezon City Jail poon pa kan Hulyo 15, awtomatikong maibabalik sa pwesto pakalihis kan 90 dias.
