Pigsugo kan International Criminal Court (ICC) Pre-Trial Chamber I na tapuson an mga ebidensya katakod kan kasong crimes against humanity laban ki dating Presidente Rodrigo Duterte bago o sa Hulyo 1, 2025.
Susog sa 20-pahinang iniluwas kan Abril 17, kaipuhang iiba kann prosekusyon an gabos na ebidensyang gagamiton sa hearing kan kumpirmasyon nin mga kaso, kairiba an mga pahayag kan mga testigo, saindang mga salin, mga ebidensyang pwedesir magpabor sa akusado, asin iba pang dokumentong susog sa Rule 77 kan ICC rules.
Tinawan-duon kan ICC na ano man na ebidensyang isusumiter makalihis an nakatalaang petsa an dae na tatanggapon.
Magigiromdoman na si dating Presidente Duterte an nahahampang sa kasong crimes against humanity huli sa suboot mga panggagadan na nangyari sa Pilipinas puon kan Nobyembre 1, 2011 sagkod Marso 16, 2019.
Inarestar an dating Presidente kan Marso 11 makalihis mag-abot gikan sa Hong Kong, asin presenteng nakakarsel sa The Hague.
Tulong aldaw makalihis an saiyang pagkaarestar, huminampang ini sa enot na hearing kan ICC para sa kumpirmasyon kan saiyang mga kaso.
 Pre-Trial Chamber I has ordered the prosecution to complete the evidence in the crimes against humanity case against former President Rodrigo Duterte on or before July 1, 2025.){kind=link}