Pig-enganyar kan non-government organization (NGO) an iba pang mga biktima kan war on drugs na lumantad asin magtao nin testimoniya sa kaso laban kay dating Presidente Rodrigo Duterte sa International Criminal Court (ICC) sa The Hague, Netherlands.
Sa sarong statement, pig-enganyar kan grupong Duterte Panagutin Campaign Network an sisay mang apektado kan mga paggadan, iligal na pag-arestar asin pagkulong, pag-torture asin iba pang krimen may kinaaraman sa war on drugs na makipag-koordinar sainda para sa magkakanigong tabang nganing mapanimbag suboot an dating Presidente.
Ano man suboot na impormasyon na ipapaabot sainda an magigin confidential asin dae ini iluluwas sa publiko o sa sisay man nin warang permiso.
Ipinunto man kan organisasyon na may tiyansang magamit sa kaso ni Duterte sa ICC an itatao na testimoniya kapag an testigo an kamag-anak kan biktima kan drug war o personal na apektado sa mga paggadan.
Siringman, kapag an krimen an nangyari poon November 1, 2011 hasta March 16, 2019, kan panahong nanerbihan bilang alkalde kan Davao City si Duterte hasta sa enot na parte kan saiyang pagsisirbi bilang Presidente kan nacion bago dagos na tumiwalag an PH sa ICC.
Pigsabi man kan NGO na pwedesir maisabay bilang parte kan pagsusunad kan mga kaso sa lokal na korte an testimoniya kan mga biktimang apektado kan pag-arestar, torture asin iba pang panga-abuso na bako sakop kan scope sa kaso laban sa dating Presidente sa ICC.
 has encouraged other victims of the war on drugs to come forward and testify in the case against former President Rodrigo Duterte at the International Criminal Court (ICC) in The Hague, Netherlands){kind=link}