Magtitinir na nakadetine sa The Hague an dating Presidente Rodrigo Duterte mantang pighahalat an pagpuon kan saiyang paglilitis katakod kan kasong crimes against humanity, segun sa International Criminal Court (ICC).
Segun sa desisyon kan International Criminal Court Trial Chamber III, bako bastante an mga isinumiteng argumento kan depensa mapadapit sa salud ni Duterte nganing ribayan an naenot na findings kan court-appointed medical experts.
Pagdoon kan korte, warang bagong ebidensya o dakulang pagbabago sa sitwasyon kan salud kan dating Presidente na matao nin rason nganing siya ay paramientras na palibrehon.
Isinasaalang-alang man kan ICC an saiyang pagsayuma na bistohon an hurisdiksyon kan korte, na segun digdi an nagpapahiling na pwedesir siyangd dae magsunod sa kasuguan kan korte kun palalayaon.
Dugang pa kan ICC may “real and substantial risk” na pwedesir siyang tumakas o hadlangan an proseso kan hustisya huli sa saiyang impluwensya, asin koneksyon.
Katakod kaini, tinawan kan korte nin pagtugot an depensa na dae muna mag-atendir si Duterte sa enot na status conference na nakatakda sa Mayo 27, basta magsumiter kan pormal na request.
An hearing an matukar sa iskedyul kan paglilitis, mga ebidensya, asin iba pang preparasyon para sa kaso.
Naenot nang kinumpirma kan ICC Pre-Trial Chamber I ang mga kaso laban kay Duterte katakod kan suboot mga paggadan sa saiyang kampanya kontra droga kan siya alkalde kan Davao City asin kalaunan bilang presidente kan Pilipinas.
