Pinadarahan nin subpoena kan House Committee on Justice si National Bureau of Investigation (NBI) Director Atty. Melvin Matibag katakod kan imbestigasyon sa suboot patanid ni Vice President Sara Duterte kontra ki Presidente Ferdinand Marcos Jr., First Lady Liza Araneta-Marcos, asin dating House Speaker Martin Romualdez.
Basado sa kasuguan kan komite, pihahagad ninda an certified copies kan records, dokumento, asin mga ladawan na nakuwa kan NBI katakod kan nasabing imbestigasyon.
Obheto kan Justice Committee na maaraman an resulta asin ebidensya kan imbestigasyon kan NBI ngani na mahiling kun igwang bastanteng basehan an mga alegasyon.
An nasabing lakdang an parte kan nagpapadagos na impeachment proceedings kontra sa bise presidente, kun sain tinukoy kan Kamara na igwang bastanteng basehan ngani na darahon an kaso sa plenaryo asin maisakat sa Senado para sa mas halangkaw na deliberasyon.
Kasuudma, dae pinagbigyan kan Korte Suprema an hagad na TRO kan kampo ni Vice President sara dapit sa impeachment proceedings kan Kamara.
