Nangapudan si House Committee on Appropriations chairman Elizaldy Co na parikason an pagbabayad kan Philippine Health Insurance Corporation sa mga ospital kan Department of Health makalihis umabot na sa P15 billion an dae pa nababayadan na claims.
Sa pagdangon sa propuestong pondo kan ahensya, kan opisyal an haloy ng pagkakaoktaba kan nasabing batad, kun sain P6.7 billion an labi sa duwang taon nang pending.
Dakula suboot an epekto kaini sa operasyon kan mga pampublikong ospital asin serbisyong nareresibe kan mga pasyente, partikular na an mga nagtitios.
Segun pa sa lehislador na bako sana problema kan mga ospital an kundi kan bilog na namamanwaan an delayed na bayad kan PhilHealth huli ta an mga DOH hospitals an enot na pigdudumanan kan mga nagtitios na pasyente kun sinda an may helang.
Positibo man an nagin kasimbagan ni Philhealth President Emmanuel Ledesma sa pangapudan kan kongresistas asin siniertong paparikason an proseso kan pagbabayad sa mga ospital.
Tinukar kan kongresista an an dapit sa memorandum kan Department of Health na nagsusugo sa mga doktor na dae pagsayumahan an mga pasyente na nasa irarom kan Medical Assistance to Indigent and Financially Incapacitated asin aakseptaron an bayad para sa saindang professional fee sa paagi kan programa.
Paliwanag ni Cong. Zaldy na an kawaran nin kwarta an dae dapat magin ulang sa mga namamanwaan na makaresibe nin serbisyong medikal.
