Bilang chairman kan House Committee on Appropriations, mahigot na binantayan ni Cong. Elizaldy Co an pagdangog para sa propuestong pondo kan Office of the Vice President para sa taong 2025.
Sa nasabing pagdangog, naging sentro kan diskusyon an paggamit kan confidential funds kan 2022 asin an propuestong P2.037 bilyon na budget kan Office of the Vice President.
Alagad nagsayumang personal na depensaran ni Vice President Sara Duterte an pondo kan saiyang opisina, pinili ni Congressman Zaldy na tawan duon an importansya kan proseso kan budget briefing sa Kongreso.
Segun saiya, importante an siring na pagdangog huli ta digdi nasi-sierto na tama an paggastos kan pondo kan gobierno.
AN pagtukar suboot kan nakalihis na paggastos kan Office of the Vice President an parte kan transparency asin accountability na pighahagad kan namamanwaan.
Tinawan linaw man ni Cong. Zaldy an pangangaipo ngani na tukaron kun papano ginastos kan opisina kan bise presidente an saindang pondo kan nakalihis na taon, partikular na an isyu kan confidential funds.
Paliwanag kan kongresista na dae pwedesir na baliwalaon an mga nakalihis na paggastos kan pondo.
Kinakaipuhan suboot na maipaliwanag asin masabutan kan gabos kun papano ini ginamit urog pang pondo kan banwaan an pinag-oolayan.
An masunod na pagdangog na pigtalaan sa Setyembre 10 kun sain pinaglalaoman na ipagpapadagos an pag-aadal sa propuestong budget para sa 2025.
