Maabot sa labi P18 milyon an kabilugang yaman ni Senadora Risa Hontiveros, base sa saiyang Statement of Assets, Liabilities, and Net Worth (SALN) para sa taong 2024.
Si Hontiveros an enot na senador kan 20th Congress na nagsapubliko kan saiyang enterong kagsadiri.
Base sa SALN o dokumentong isinumiter ni Hontiveros, nasa P19.88 milyon an kabilugang kantidad kan saiyang mga pagsasadiri, kabale an tulong real properties na may kantidad na P8.73 milyon asin personal na ari-arian arug kan mga behikulo, cash deposits, alahas, furniture, asin mga libro na uminabot sa labi P11 milyon.
Sarong utang sana an nakasurat sa saiyang SALN asin iyo ini an car loan na nagkakantidad nin P897,840.
Si Hontiveros igwa man nin negosyo o financial interest sa tolong kumpanya partikulamente na an sarong dive resort na sarong stockholder siya, sarong rural bank na miyembro siya, asin sarong wholesale trade company na miyembro man siya.
Wara man nin naireport na mga menor de edad na aki, asin wara siyang ka-parientes sa gobyerno.
An nasabing pagsusunad an parte kan padagos na pagsunod ni Senador Hontiveros sa transparency asin accountability bilang sarong public servant.
 for the year 2024.){kind=link}