Nangapudan an Pork Producers Federation of the Philippines sa gobyerno na magdeklara na nin state of calamity huli sa padagos na nagdadakol na kaso nin African swine fever.
Segun kay Nicanor Briones, chairperson kan Pork Producers Federation of the Philippines asin AGAP Party-list Representative, kaipohan na magdeklara na an gobyerno nin state of calamity nganing mapadali an pagpapaluwas nin pondo para sa pagbakal nin bakuna kontra sa ASF.
Kung dae tulos matatawanan nin bakuna an mga orig, posibleng lalo pang magdakol an kaso kan helang asin maapektaran an suplay nin karne sa nasyun.
Sa ngunyan may walong banwaan na sa Batangas an nagdeklara nin outbreak nin ASF.
Alagad pinagpaplanohan pa sana kan gobyerno an pagbakal nin 10,000 doses nin ASF vaccines.
