LEGAZPI CITY-Idineklara an state of calamity sa 88 lugar sa Pilipinas huli sa epekto kan habagat, asin sa mga nakaaging bagyo na nagtama sa nasyon, segun sa Office of the Civil Defense (OCD).
Sa ipinaluwas na update kan opisina ngonian na Biyernes, isinairarom na sa state of calamity an mga minasunod na lugar sa Luzon:
Pangasinan:
-Dagupan City
-Santa Barbara
-Mangaldan
-Bugallon
-Mangatarem
Bataan (province-wide)
Bulacan (province-wide)
Pampanga (province-wide)
Zambales:
MasinlocRizal
-Rodriguez
Cavite (province-wide)
Batangas
-Nasugbu
Sa irarom kan state of calamity, mapadali kan gobyerno an pagpapaluwas kan emergency funds arog kan Quick Response Fund, siring man makontrol an mga presyo kan mga basic commodities ngani malikayan an exploitation, mapundo an hoarding, asin maparikas an relief, rescue, asin rehabilitation para sa mga apektado kan kalamidad.
Katakod kaini, mahigot na pigpapautob kan Department of Trade and Industry (DTI) an price freeze o no movement sa presyo kan mga basic commodities sa mga lugar na nasa irarom kan state of calamity base sa Republic Act. No. 7581 o an Price Act.
Sa presente, maabot na sa 29 katawo an nairehistrong binawian nin buhay huli sa mga kalamidad, 19 an nairido asin tulo an naireport na nawawara.
