Pinahimutikan kan Malacañang na suspendido an klase sa eskwelahan sa bilog na nasyon ngunyan na Oktubre 5 bilang pagselebrar kan World Teachers’ Day.
Segun sa Presidential Communications Office (PCO), wara pa sindang ipinaluwas na anunsyo na kanselado an klase.
Inabisuhan ninda an publiko na dae magheras o magpalakop nin mga pekeng anunsyo online.
Importante suboot na makakua nin impormasyon o anunsyo hale sa official government sources.
Sinabi man kaini na warang pinirmahan na proklamasyon si Presidente Ferdinand Marcos Jr na nagsususpendir nin klase ngunyan na aldaw.
Alagad, may pirang mga lokal na gobyerno na nagsuspendir kan face-to-face classes huli sa selebrasyon kan National Teachers’ Day.
