LEGAZPI CITY—Nganing malikayan an paglakop kan helang na African Swine Fever, ipigmanehar kan Catanduanes Police Provincial Office an mga urig na nakuang nakalakop sa Barangay Bislig, San Andres, Catanduanes.
Segun ki Catanduanes PPO Public Information Officer Police Lieutenant Colonel Emsol Icawat, sa intrevista kan Bombo Radyo Legazpi, na may residenteng nag-impormar sainda na igwang mga urig na pigtutubudang hale sa mainland Bicol.
Pag-abot sa lugar naabutan ninda an nasa 23 na urig na nakalakop sa baybayon kan nasabing lugar kun saen warang nagsasabing indibidwal kun sinda an may kagsadiri kaini.
Dugang kan opisyal na nganing malikayan pa an paglakop kan nasabing healng an napagdesisyunan kan municipal agriculturist asin Provincial Veterinary Office na ilubong an mga ini.
Mientrastanto, pagiromdom man kan ahensya sa mga barangay na harani sa mga baybayon na bantayan an saindang lugar urog na igwa nin nairehistrong siring na kaso, asin kun igwa man na nanutaran tulos man ining ipaabot sa otoridad.
