LEGAZPI CITY- Pinag-aantisiparan na padagos na mamamatean an halangkaw na heat index sa provincia kan Catanduanes.
Segun ki Catanduanes weather specialist Jun Pantino sa intrevista kan Bombo Radyo Legazpi na napapalibutan nin bodies of water an island province kaya iyo an enot na nakakamati nin mainit na temperatura sa rehiyong Bicol.
Marurumduman kaya na naglalagpas sa 40 °C an tempertura sa provincia.
An nasabing temperatura an maikokunsiderar na peligroso na sa salud kan publiko urog na kun magbabalad an mga ini sa irarom kan saldang.
Partikular man na pinatanidan ni Pantino an mga namamanwaan na nagtatrabaho sa irarom kan saldang asin pigpapalikay an mga ini sa posibilidad kan heat stroke asin heat exhaustion.
