LEGAZPI CITY- Nangapudan an grupo nin mga paraoma na imbes na kakarampot na ayuda, dapat na mapagbigyan an saindang kahagadan sa gobierno na support production subsidy.
Segun ki Bantay Bigas Spokesperson Cathy Estavillo sa intrevista kan Bombo Radyo Legazpi na haloy na nindang pangapudan an nasa P50,000 na production subsidy sa sarong planting season ngani na mapalangkaw an produksyon kan mga paraoma.
Sinabi kan opisyal na sa panahon na igwang giyera sa ibang nacion, warang malalaoman na importasyon na gobierno huli sa manipis na suplay kaya dapat mapakusog an local production.
Kasabay pa kan pagbaba kan kantidad kan piso kontra dolyar, katampad kaini an paglangkaw kan kantidad kan importasyon.
Afuera digdi, sinabi man ni Estavillo na dapat man na magtalaan nin price control sa mga kinakaipuhan kan paraoma sa saindang pagtatanom.
