LEGAZPI CITY- Inendorso na kan Department of Agriculture sa Philippine Tariff Commission an petisyon kan grupo nin mga paraoma na tawan nin bastanteng proteksyon an mga rice farmers sa nacion.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na huli sa labing pag-angkat nin bagas kan 2024 asin 2025, buminagsak an presyo kan paroy na nagresulta sa pagkalugi kan dakol na mga paraoma.
Sa saindang petisyon, nanangapudan an grupo na magdugang nin taripa ngani na madisganar an importasyon o magpataw nin suspensyon sa pag-aangkat nin bagas hasta sa dae pa nakaka recover an rice sector.
Napag-araman na igwang apat na bulan an tariff commision ngani na pagdesisyunan an petisyon sa paagi kan mga pagdangog.
Segun ki Montemayor na igwang poder an komisyon na magkaigwa nin recovery program o adjustment program para maka recover ang rice industry.
Nahahadit kaya an grupo na kun magpapadagos an paglaog sa nacion kan imported na bagas, posibleng padapaon na naman kaini an palay production asin an lokal na mga paraoma.
