Tinuyaw kan Makati Business Club an mga flood control projects kan Department of Public Works and Highways makalihis magluwas an mga report na pano nin iregularidad asin dae natatapos sa tamang oras.
Ipigdoon kan grupo na dakulang huma ini sa mga negosyo asin namamanwaan urog nakada nagbabaha sa Maynila.
Segun sainda, sayang an pondong ipig-aalokar kun mapapaduman sana sa mga proyekto na bako epektibo asin may bahid nin anomalya.
Pinunto man ninda na dapat magin mas mahigpit an pagsusuri asin pag-audit kan mga proyekto nganing masyerto an kalidad asin kaligtasan kan publiko.
Nagtutubod an grupo na an salang pamamahala sa flood control projects an nagpapalala kan problema sa trapiko, kaligtasan kan tawo asin kan negosyo.
Pig-enganyar man ninda an gobyerno na ayuson an sistema asin panimbagon an mga imbwelto sa kapalpakan kan mga proyekto na nakaka-apektar sa ekonomiya.
