LEGAZPI CITY – Tinawan nin rating na Zero kan grupo kan mga parasisira sa Pilipinas si Presidente Ferdinand Marcos Jr sa laog kan duwang taon kaini na paninirbihan bilang presidente kan nasyon.
Segun kay Pando Hicap , an presidente kan Pambansang Lakas ng Kilusang Mamamalakaya ng Pilipinas (PAMALAKAYA) sa intrebista kan bombo radyo legazpi , naging negatibo an solusyon ni Marcos sa mga problema na pigkakahampang kan mga parasisira asin mga paraoma.
Dugang pa kaini, padagos man an kawaran nin kabuhayan, kahirapan asin kagutuman kan mga parasisira mantang naraot man an mga kadagatan huli sa mga proyekto kaini sa maling patakaran pang ekomomiya.
Mientrastanto, saro pa suboot sa rason an reklamasyon asin an paglaom na input liberalization kan agricultural products kaiba na an sira.
Katakod kaini, nangapudan an Pamalakaya sa publiko na magpartisipar sa saindang gigibuhon na Sona ng Mamamayan sa petsa 20 ngunian na hulyo para maipahiling na dae sinda kuntento sa mga patakaran ni Marcos lalo na sa polisiya maging an pagkondinar sa pagtabang sa Pilipinas kan Estados Unidos asin iba pang nasyon na dagos na nagkakaladkad suboot sa gyiera asin para lang sa saindang pansadiring interes.
Kun kaya, nagplano an Pambansang Lakas ng Kilusang Mamamalakaya ng Pilipinas na magsagibo nin countertpart para sa Sona ni presidente Marcos , duwang aldaw antes an saiyang State of the Nation Address.
