LEGAZPI CITY – Nakisumaro an Grand Triskelion sa Dugong Bombo 2025: A little pain, a life to gain kan Bombo Radyo Philippines Foundation, Inc. na isinagibo ngonian na aldaw sa Pacific Mall 2nd Floor, Legazpi City.
Segun ki Grand Triskelion Tahao Road Chapter member Romy Jay-Ar Barbudo sa intrevista kan Bombo Radyo Legazpi na ini an saindang enot na bes na pakikisumaro sa mga siring kaining aktibidad.
Nagmamawot an saindang grupo na sa paagi kan pagdonar nin dugo an makakatabang sinda sa pagdugtong kan buhay kan sarong tawo.
Pagdoon niya man na an saindang kapatiran an nakikisumaro sa bloodletting activity kan Bombo Radyo Philippines Foundation, Inc. nin warang pighahagad na anuman na kapalit.
Nagpasalamat man si Barbudo sa Bombo Radyo Philippines para sa pagkokondusir nin siring kaining aktibidad na nakakatabang sa namamanwaang nangangaipo nin dugo.
Pigkokonsidera man niya bilang honra an pagkakabale kan saindang grupo sa pinakamadugong boluntaryong donasyon nin dugo sa nacion asin nagpromesa na dae sinda maduwang isip na magdonar liwat nin dugo sa masunod na taon.
Pig-enganyar niya man an gabos na makisumaro sa Dugong Bombo asin sa iba pang masunod na aktibidad na isasagibo kan Bombo Radyo Philippines.
