LEGAZPI CITY- Nagbarewas nin mga livelihood assistance an gobierno provincial kan Albay sa mga dating rebelde na nagbalik loob sa gobierno.
Segun ki Provincial Social Welfare and Development Office Albay Head Ma. Vivien Cea sa intrevista kan Bombo Radyo Legazpi na natawan nin ayuda an dating mga rebelde sa irarom kan Enhanced Comprehensive Local Integration Program.
Katabang kaini an Department of the Interior and Local Government, Department of Labor and Employment, Department of Social Welfare and Development Office asin Technical Education and Skills Development Authority.
Napag-araman na nasa 16 na benepisyaryo an napahatudan nin tabang kan gobierno.
Sinabi kan opisyal na kaibanan sa mga naitao sa mga dating rebelde an business starter kit asin kabuhayan package na mapapakinabangan kan mga ini.
Napag-araman na naka depende man sa pag-aydentipikar kan pangangaipo kan surrenderee an pigtataong asistensya sa mga ini.
